曼谷, 布吉 2015 - Day 7

31 July, 2015 (Fri)

今日包車六個鐘, 先去RAWAI碼頭食海鮮, 由巴東去大約一個鐘車程, 一落車有一排海鮮檔,價錢相比香港,真係好平.

 

呢個價錢以KG計, 我地揀左5隻最大隻果款蝦, 大約一百蚊港紙左右.   

  

呢條斑180B, 平到咁!

碼頭有好幾間餐廳可供選擇，其中最受歡迎的Mook Dee

Restaurant。餐廳明碼實價收取加工費，按海鮮重量計算。半

公斤80銖，一公斤100銖，兩個項目合計150銖，價格經濟。

 

餐廳有多種煮法供選擇, 中式一定唔少得.

可能見平買得太多, 眼闊肚窄,食剩好多,飽到上心口. 

曼谷, 布吉 2015 - Day 6

30 July, 2015 (Thur)

尋日係巴東報左釣魚團, 由1800B一路格價, 比我搵到間最平1000B/位,咁既價錢當然唔係包船. 

由酒店到碼頭大約15分鐘., 上船喇, 除左我地一家3口只得一對中東情侶. 船行左大約廿分鐘去到公海開始好大浪, 有D驚!!  大約個幾鐘後重未見有埋岸既地方, 老公同阿仔又sea sick, 於是老公用有限既泰文問船家, 原來要成3個鐘!! 見對方女友又唔舒服, 於是問佢地有無打算回程 ,點知佢男友唔願意重叫船家可唔可以開快D...>.<", 無計, 唯有繼續, 傾談後原來佢地每人比左2000B, 唔怪得之唔想返轉頭!

差唔多三個鐘終於到,釣魚地點係距離Racha Island 5-10分鐘船程左右, 但都幾大浪,釣魚時都唔係好企得穩.放線唔洗5分鐘有兩條斑一齊上釣, 跟住15分鐘左右再釣兩條唔同品種. 

泰人話呢條叫"芒芒" 

回程拖釣釣到條吞拿,船家話我地好彩,條魚大約3KG左右, 都幾大條. 

 

除左吞拿, 幾條魚做左我地午餐. 

大約兩點開始回程, 因來回需時,所以其實釣魚時間好短.同埋全程都好大浪,最好食定暈浪丸.

5點左右返到酒店, 因為今日太攰係酒店對面開餐.

生蝦刺身唔夠建興好食.

曼谷, 布吉 2015 - Day 5

29 July, 2015 (Wed)

今日全程係酒店HEA無安排節目! 

 

游左半日水, Lunch都係pool bar攪掂. 

之後去帆船商場做facial massage,08年黎布吉都有做, 估唔到咁多年鋪頭重係度,價錢亦一樣.

 

 

之後坐雙條去Karon Beach Dino Park Restaurant, 400B. 

Dino Park用恐龍主題,裹面佈置到好似樹林一樣.今次黎Dino Park同08年差好遠,當年黎坐無虛席,今次冷清好多. 

 

Dino Bar 

Dino Burger

Dino Kitchen 

曼谷, 布吉 2015 - Day 4

28 July, 2015 (Tue)

今日下晝機飛布吉, 好耐無搭泰航,坐位好舒服,內陸機每人有一紙盒裹面有三文治,甜品同飲品, 3百蚊位, 抵坐! 

約左包車600B到巴東,今次想方面D捨棄我最鐘意既Laguna區, 住Holiday Inn Phuket Resort Patong. 我地唔自駕,下下出巴東車費會好貴. 原先今晚去海邊間Wine Connection,但太肚餓唔想行,落帆船商場攪掂.

之後去左Banzaan Market夜市行, 好旺有幾檔賣海鮮, 另外有熟食, 小食檔口.

              

 

呢隻ice roll好得意, 先將雪糕放係冰凍鐵板上,來回卷幾次,再加喜歡配料